Ўзбекистон боғдорчилиги ва узумчилигида ишлаб чиқаришни ихтисослаштириш ва концентрациялаш масалалари

ЎзССР Давлат план комитетининг Илмий-техника информацияси ва техник иқтисодий тадқиқотлар илмий-текшириш институти. Тошкент - 1979, 11 бет.Ўзбекистонда боғдорчилик ва узумчиликни ривожлантиришда қўлга киритилган энг муҳим ютуқлардан бири ихтисослашган боғдорчилик-узумчилик совхозларининг ташкил этилиши, уларнинг қурилиши ва ишлаб чиқариш фаолиятининг кенгайтирилиши бўлди.
Республикамизда кўплаб мева ва узум етиштиришда боғдорчилик-узумчилик совхозларининг салмоғи жуда катта. Масалан, бу совхозларнинг боғ ва токзорлари майдонининг салмоғи республикадаги барча боғ ва токзорларнинг 19%ни эгаллаб, унда ялпи узум ва мева ҳосили 25% дан ортиқни, давлат харидларининг 62%, шу жумладан харид қилинадиган узумнинг 70%га яқинини ташкил этади. Боғдорчилик-узумчилик совхозлари виночилик саноати учун зарур хом ашёнинг 55-60%ни, консервалар ва шарбат ишлаб чиқариш учун кўплаб мева етиштириб беради. Мамлакатимизнинг бошқа районларига янги мева ва узум етказиб бериш билан боғлиқ деярли ҳамма ишларни ихтисослашган совхозларнинг ўзи бажаради.